D´Museoa Donostiako Elizbarrutiaren museo berria da.

Bertan, hamar mendeko arte erlijiosoa dago ikusgai, eta egungo gure gizartea ulertzeko gakoak eskaintzen dizkigu. Bide luzea da hori, eta erlijio katolikoak funtzio garrantzitsua izan du, mezenas gisa, nortasun artistiko eta soziala eraikitzeko orduan.

Gipuzkoako barrokoaren enblemetako bat den Santa Mariako elizaren hormen artean, Museoko bilduma ikusi ahalko duzu. Rodrigo de Zuazolak, Ambrosio de Bengoetxeak, El Grecok, Riberak, Beobidek, Chillidak eta Oteizak, besteak beste, Erdi Arotik gaur egun arte zer-nolako bilakaera izan dugun erakusten digute.