Igarotako Ekitaldiak

Erakusketa honetan José Luis Cobreros artista donostiarraren 11 obra aurkeztu ditu D´Museoak. Eskultura figuratibo klasiko eta modernoarekiko leiala, giza gorputzaren mireslea, lasaitasunaren eta amildegiaren arteko sortzailea, bere aitaren, haurren, emakumeen eta Gipuzkoako industrialarien busto eta erretratuen egilea.

Galderak planteatu nahi ditu erakusketak erantzunak baino gehiago. Lengoaia artistiko berriek santuaren ikuskera/ikonografia berri bat eragin zuten edo forma baino ez da aldatzen? San Inazioren figura irudikatzen jarraitu zuten aldatzen ari zen eta eliza bere protagonismoa galtzen ari zen gizarte hartan? XX. mendeko artista gipuzkoarrak gai "klasikoak" interpretatzera edo berrinterpretatzera hurbildu ziren? Erakusketa honek galdera horiei erantzuten diela uste dugu.

Jorge Oteizak Ameriketan eman zuen aldia da bere etapa ezezagunena. Argentinan aurkitu ahal izan diren piezetako batzuk bildu dira erakusketa honetan. Buenos Aires izan zen bere bidaiaren abiapuntua eta amaiera, baina baita hainbat urtetan bizi izan zen lekua ere. Hantxe ezagutu zuen Itziar Carreño, bere bizitzako pertsonarik garrantzitsuenetariko bat, eta harekin ezkondu zen 1938ko maiatzean. Obra guztiak argitaratu gabeak dira.

Mari Cruz Basconesen erakusketak konposizio abstraktu eta figuratiboko 14 esmalte liluragarri ditu, Erruki lanen irakurketa originala indarrez adierazten dutenak. Erakusketa bi ataletan antolatuta dago: Gorputzeko erruki-lanak (besteen behar fisiko eta materialei heltzen dieten maitasun-ekintzak dira) eta Espiritualeko erruki-lanak (pertsonen adimen-, bihotz- eta arima-beharrei heltzen dietenak).

D´Museoak Koruko Ama Birjinaren mantuen sorta bat aurkezten du erakusketa honetan. Koruko Ama Birjina da eliza honi izena ematen diona, bai eta Donostiako zaindaria ere. Erakusketa honen bidez ezagutzera eman nahi ditugu Koruko Ama Birjinaren irudiaren historia, bere mantuen bidez transmititzen diren mezuak eta mantu horietaz gozatzeko aukera eman diguten emakume-esku askoren lana, bai egin mantu horiek zituztelako, dohaintzan eman zituztelako edo zaindu zituztelako. Inoiz galdetu al diogu geure buruari zergatik janzten diren irudiak? Gizartean bezala, Elizan ere, jantziak komunikatu…

Euskal Herriko Arkitektoen Elkargo Ofizialak ‘Arantzazu, 70 urte’ erakusketa aurkezten du Mugak/Euskadiko Nazioarteko Arkitektura Bienalaren barruan. D 'Museoan instalatuta dago erakusketa, eta azaroaren 30era arte bisitatu ahal izango da. Erakusketaren helburu orokorra Enrique Laorga eta Francisco Javier Sáenz de Oizaren arkitekturari errekonozimendua ematea da, Gipuzkoako XX. mendeko talde artistiko adierazgarrienaren bultzatzaile gisa

Zenbait erlijio-komunitate beste monasterio batzuetara aldatu edo bildu dira, kasu honetan, Astigarragako Agustindar Kalonjeen eta Donostiako Santa Teresaren karmeldarren monasterioetara, eta, bestetik, hainbat egileren erlijio-gaietako funtsak dohaintzan jaso ditugu (Simón Arrieta, Bienabe Artía, Flores Kaperotxipi, Javier Arocena, Tomás Hernández-Mendizabal, José Antonio Fermín Gorosabel (Gofer), Joaquín Pallarés, Ana Batanero, Antoine Knibily, Jyoti Sahi, eta Vasile Alupului) bildumagile partikularren edo artisten beren eskutik; horri guztiari esker, Elizbarrutiaren Museoaren funtsak aberasteko aukera izan dugu. Zenbait pinturak, marrazkik, grabatuk eta eskulturak osatzen dute erlijio-arteko…

Gorka Salmeronek (Legazpi, 1969) eta Joxan Izak (Bergara, 1961) elkarrekin antolatu duten lehen erakusketa da hau. Zehatzagoak izateko, ikonografia kristauaren inguruko interpretazio pertsonala topatuko dugu hemen. Biek ala biek ibilbide artistiko oparoa daukate eta diziplina asko jorratu dute: argazkilaritza, margolaritza, grabatua, eskultura, musika… Horren adierazgarri da erakusketa, ezin hobeto islatzen baitu lengoaia ezberdinek elkar elikatzen eta aberasten dutela leku berean aurkezten ditugunean.